Home
Home



About
About Me



Favourites Favourites


Photos
Photos



News
Editor's Desk



News
Special Correspondent



Works
Works



Blog
Blog



Biodata
Biodata



Contact Contact Me


Support
Help & Support





വിജി പിണറായി


Viji Pinarayi

SiteMap
Site Map



ഒരു പാവം മനുഷ്യന്‍



ജീവിതമാം യാത്ര തന്‍
ചെറിയൊരു ഭാഗം മാത്രം
പിന്നിട്ടതേയുള്ളൂ; പക്ഷേ
ഈ കൊച്ചു യാത്രയ്ക്കിടയില്‍ -
ത്തന്നെയേറെ, ഒട്ടേറെ
കണ്ണീരിന്‍ കടലുകള്‍ നീന്തി -
ക്കടക്കേണ്ടി വന്നൊരു ദു:ഖ -
കഥാപാത്രമാണു ഞാന്‍...!

പലപ്പോഴും മരണത്തെ -
ക്കൈകള്‍ നീട്ടിപ്പുണരാന്‍ പോലും
കൊതിച്ചുപോയൊരു പാവം
മനുഷ്യനാണിന്നത്തെയീ ഞാന്‍‍.

മനസ്സിന്റെ മണിച്ചെപ്പി -
ലോര്‍മകള്‍ തന്‍ മധുരത്തേ -
ക്കാളേറെ കൊടും ദു:ഖത്തിന്‍
കയ്‌പു നീരു,മൊരുപിടി
വേദനകളും മാത്രമായി
ജീവിക്കാന്‍ വിധിക്കപ്പെട്ടൂ ഞാന്‍...!

ചെയ്യാത്ത തെറ്റുകള്‍ക്കു പോലും
പലപ്പോഴും ശിക്ഷകളനവധി -
യേറ്റുവാങ്ങിയ ദു:ഖപുത്രനാണു ഞാന്‍...
സ്നേഹമെന്നതു പലപ്പോഴും
വെറുമൊരു മരീചികയായ്, ശ്യാമ -
ഹംസമായ്, ആകാശ കുസുമമാ -
യൊടുങ്ങുന്നതും നോക്കി നോക്കി
നെടുവീര്‍പ്പുകളുമായ് നിന്നു
കണ്ണുനീരു പൊഴിക്കുവാന്‍
മാത്രമേ കഴിഞ്ഞുള്ളുവെന്ന -
തൊരു കുറ്റമാണോ? പറഞ്ഞാലും...!

വേദനകള്‍ തന്‍ തീജ്വാലക -
ളേറ്റു നീറും മനസ്സുമായ്
ഒരിറ്റു സ്നേഹത്തിനായ് ഞാന്‍
കാത്തിരുന്നതു തെറ്റായിരുന്നെന്നോ?

ശിക്ഷകള്‍ പലവിധമേറ്റുവാങ്ങിയെങ്കിലുമാ
ശിക്ഷകള്‍ തന്‍ വേദനയില്‍ -
പ്പോലുമൊരു കൈത്തിരിനാള -
മെന്‍ മനസ്സില്‍ സൂക്ഷിച്ചു ഞാന്‍...!
പരിശുദ്ധ നിഷ്കപട സ്നേഹത്തിന്റെ -
യൊരു കൊച്ചു തിരിനാളം...!
സമൂഹത്തെയാകെയൊന്നായ്
സ്നേഹിക്കാന്‍ മാത്രമറിയാവു -
ന്നൊരു പാവം പഥികനീ ഞാന്‍...
ഒരു ദു:ഖ കഥാപാത്രമീ ഞാന്‍...!

ഏതു ശിക്ഷയുമിരു കൈകളും നീട്ടി
സ്വീകരിക്കാന്‍ മടിയൊന്നും
കാണിച്ചതില്ല ഞാന്‍, പലപ്പോഴു -
മൊരു നിരപരാധിയായിരുന്നിട്ടു പോലും...!
എങ്കിലുമിന്നുമൊരാളോടും
പരിഭവം പറയാതെ,
ആരെയും വെറുക്കാതെ
ജീവിക്കുകയാണു ഞാന്‍...!
എന്നുമിങ്ങനെതന്നെ,യെല്ലാ -
മെന്നുള്ളിന്റെയുള്ളിലൊതുക്കിയിങ്ങനെ
ജീവിക്കാന്‍ മാത്രമാണെന്‍ മോഹം...!


ജൂണ്‍ 09, 1993

~ വിജി പിണറായി ~
~ Viji Pinarayi ~


Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.

This website is hosted by
© Copyright 2017 Viji Pinarayi. All rights reserved. All contents of this site, except mentioned otherwise, are exclusive property of the owner of the site.
News clips / articles from various news papers are the property of the respective news papers. All Trade Marks and copyrights are acknowledged.