Home
Home



About
About Me



Favourites Favourites


Photos
Photos



News
Editor's Desk



News
Special Correspondent



Works
Works



Blog
Blog



Biodata
Biodata



Contact Contact Me


Support
Help & Support





വിജി പിണറായി


Viji Pinarayi

SiteMap
Site Map



My Favourite Film Songs

എനിക്ക് ഏറ്റവും ഇഷ്ടപ്പെട്ട സിനിമാ ഗാനങ്ങള്‍‍

കുട്ടിക്കാലം മുതല്‍ എന്റെ മനസ്സില്‍ ഇടം പിടിച്ച, ഹൃദ്യമായ ഏതാനും സിനിമാഗാനങ്ങള്‍

A few beautiful film song lyrics that I love so much...
Those lines that touched my heart...

***


ആ രാത്രി മാഞ്ഞുപോയി...



ചിത്രം: പഞ്ചാഗ്നി
രചന: ഒ. എന്‍. വി. കുറുപ്പ് ‍‍    സംഗീതം: ബോംബെ രവി
ഗായിക‍: കെ. എസ്. ചെത്ര

ആ... ആ... ആ‍...
ആ രാത്രി മാഞ്ഞുപോയി
ആ രക്ത ശോഭമാം
ആയിരം കിനാക്കളും പോയ് മറഞ്ഞൂ
ആ രാത്രി മാഞ്ഞു പോയി

പാടാന്‍ മറന്നു പോയ പാട്ടുകളല്ലോ നിന്‍
മാടത്ത മധുരമായ് പാടുന്നു (ആ രാത്രി....)

അത്ഭുത കഥകള്‍ തന്‍ ചെപ്പുകള്‍ തുറന്നൊരു
മുത്തെടുത്തിന്നു നിന്റെ മടിയില്‍ വെയ്ക്കാം (അത്ഭുത...)
പ്ലാവിലപ്പാത്രങ്ങളില്‍ പാവയ്ക്കു പാല്‍ കുറുക്കും
പൈതലായ് വീണ്ടുമെന്റെ അരികില്‍ നില്‍പ്പൂ...
ആ... ആ... ആ... (ആ രാത്രി...)

അപ്സരസുകള്‍ താഴെ ചിത്രശലഭങ്ങളായ്
പുഷ്പങ്ങള്‍ തേടി വരും കഥകള്‍ ചൊല്ലാം (അപ്സരസ്സുകള്‍...)
പൂവിനെ പോലും നുള്ളി നോവിക്കാനരുതാത്ത
കേവല സ്നേഹമായ് നീ അരികില്‍ നില്‍പ്പൂ...
ആ‍... ആ.. ആ... (ആ രാത്രി…)



ഇനിയെന്നു കാണും മകളേ...



ചിത്രം: താലോലം
രചന, സംഗീതം: കൈതപ്രം ദാമോദരന്‍ നമ്പൂതിരി
ഗായകന്‍ : യേശുദാസ്

ഇനിയെന്നു കാണും മകളേ
നിന്റെ മൊഴിയെന്നു കേള്‍ക്കും മകളേ
ഓമനിച്ചോമനിച്ച് കൊതി തീര്‍ന്നില്ലാ‍
താലോലം പാടി കഴിഞ്ഞില്ല... (ഇനിയെന്നു...)

ആരിനി മുറ്റത്ത് കോലങ്ങളെഴുതും‍
കാര്‍ത്തിക വിളക്കാര് കൊളുത്തും... (ആരിനി...)
ഒരുമിച്ചിരുന്നുണ്ടും കഥ പറഞ്ഞും
അണിയിച്ചൊരുക്കിയും മതി വന്നില്ല
ഓര്‍ക്കാനിനി നിന്‍ വള കിലുക്കം - നിന്നെ
അറിയാനിനിയൊരു കനവു മാത്രം...(ഇനിയെന്നു...)

ഒരു നാളും നമ്മള്‍ പിണങ്ങിയില്ലല്ലോ
നോവിക്കുമൊരു വാക്കും പറഞ്ഞില്ലല്ലോ...
കണ്‍‌മഷിക്കൂടും പട്ടുപാവാടയും
നോവും ഒരായിരം കടം‌കഥയും
നിന്‍‌മുഖം തുടച്ചൊരീ പുടവത്തുമ്പും
ഞാനെപ്പോഴും നെഞ്ചോടു ചേര്‍ക്കും... (ഇനിയെന്നു...)



ചുടുകണ്ണീരാലെന്‍...



ചിത്രം: ലൈലാമജ്‌നു
രചന: പി. ഭാസ്കരന്‍ ‍‍    സംഗീതം: എം. എസ്. ബാബുരാജ്
ഗായകന്‍: കെ. പി. ഉദയഭാനു

ചുടുകണ്ണീരാലെന്‍ ജീവിത കഥ ഞാന്‍
മണ്ണിതിലെഴുതുമ്പോള്‍
കരയരുതാരും കരളുകളുരുകി
കരയരുതേ വെറുതേ - ആരും
കരയരുതേ വെറുതേ...

പ്രാണസഖീ നിന്‍ കല്യാണത്തിന്
ഞാനൊരു സമാനം നല്‍‌കാം
മാമക ജീവിത രക്തം കൊണ്ടൊരു
മായാമലര്‍മാലാ... നല്ലൊരു
മായാമലര്‍മാലാ...

വെണ്ണീറാകും വ്യാമോഹം- ഒരുനാള്‍
മണ്ണായ്ത്തീരും മോഹം...
മണ്ണടിയില്ലാ മഹിതിയിലെന്നും
നിര്‍മലമാമനുരാഗം... നമ്മുടെ
നിര്‍മലമാമനുരാഗം...



ഓര്‍മ്മതന്‍ വാസന്ത നന്ദനത്തോപ്പില്‍...



ചിത്രം: ഡെയ്‌സി
രചന: പി. ഭാസ്കരന്‍     സംഗീതം: ശ്യാം
ഗായകന്‍: യേശുദാസ്

ഓര്‍മ്മതന്‍ വാസന്ത നന്ദനത്തോപ്പില്‍
ഒരു പുഷ്പം മാത്രം ഒരു പുഷ്പം മാത്രം
ഡെയ്‌സി... ഡെയ്‌സി... ഡെയ്‌സി... (ഓര്‍മ്മതന്‍…)
എവിടെത്തിരിഞ്ഞാലും ഓര്‍മ്മതന്‍ ഭിത്തിയില്‍
ഒരു മുഖം മാത്രം ഒരു ചിത്രം മാത്രം
ഡെയ്‌സി... ഡെയ്‌സി... ഡെയ്‌സി...

നിനവിലും ഉണര്‍വിലും നിദ്രയില്‍ പോലും
ഒരു സ്വപ്നം മാത്രം ഒരു ദുഖം മാത്രം
വ്യോമാന്തരത്തിലെ സന്ധ്യനക്ഷത്രങ്ങള്‍
പ്രേമാര്‍ദ്രയാം നിന്റെ നീലനേത്രങ്ങള്‍ (ഓര്‍മ്മതന്‍…)

കവിളത്തു കണ്ണുനീര്‍ച്ചാലുമായ് നീയെന്‍
സവിധം വെടിഞ്ഞു പിന്നെ ഞാനെന്നും
തലയിലെന്‍ സ്വന്തം ശവമഞ്ചമേന്തി
നരജ്ന്മ മരുഭൂവില്‍ അലയുന്നു നീളേ
ഡെയ്‌സി... ഡെയ്‌സി... ഡെയ്‌സി... (ഓര്‍മ്മതന്‍)


  മുന്‍ പേജുകള്‍
Previous Pages
കൂടുതല്‍ ഗാനങ്ങള്‍
More Lyrics
   

~ വിജി പിണറായി ~
~ Viji Pinarayi ~


Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.

This website is hosted by
© Copyright 2017 Viji Pinarayi. All rights reserved. All contents of this site, except mentioned otherwise, are exclusive property of the owner of the site.
News clips / articles from various news papers are the property of the respective news papers. All Trade Marks and copyrights are acknowledged.