Home
Home



About
About Me



Favourites Favourites


Photos
Photos



News
Editor's Desk



News
Special Correspondent



Works
Works



Blog
Blog



Biodata
Biodata



Contact Contact Me


Support
Help & Support





വിജി പിണറായി


Viji Pinarayi

SiteMap
Site Map



My Favourite Film Songs

എനിക്ക് ഏറ്റവും ഇഷ്ടപ്പെട്ട സിനിമാ ഗാനങ്ങള്‍‍

കുട്ടിക്കാലം മുതല്‍ എന്റെ മനസ്സില്‍ ഇടം പിടിച്ച, ഹൃദ്യമായ ഏതാനും സിനിമാഗാനങ്ങള്‍

A few beautiful film song lyrics that I love so much...
Those lines that touched my heart...

***


ഹൃദയസരസ്സിലെ പ്രണയപുഷ്പമേ...



ചിത്രം: പാടുന്ന പുഴ
രചന: വയലാര്‍ ‍‍    സംഗീതം: ദക്ഷിണാമൂര്‍ത്തി
ഗായകന്‍: യേശുദാസ്

ഹൃദയസരസ്സിലെ പ്രണയപുഷ്പമേ... (2)
ഇനിയും നിന്‍ കഥ പറയൂ...     (ഹൃദയസരസ്സിലെ...)
അര്‍ദ്ധനിമീലിത മിഴികളിലൂറും
അശ്രുബിന്ദുവെന്‍ സ്വപ്നബിന്ദുവോ...
ഹൃദയസരസ്സിലെ പ്രണയപുഷ്പമേ...
ഇനിയും നിന്‍ കഥ പറയൂ... നീ പറയൂ...

എഴുതാന്‍ വൈകിയ ചിത്രകഥയിലെ
ഏഴഴകുള്ളൊരു നായിക നീ... (2)
എന്നനുരാഗ തപോവനസീമയില്‍
ഇന്നലെ വന്ന തപസ്വിനി നീ... (ഹൃദയസരസ്സിലെ...)

എത്ര സന്ധ്യകള്‍ ചാലിച്ചു ചാര്‍ത്തി
ഇത്രയും അരുണിമ നിന്‍ കവിളില്‍...
എത സമുദ്ര ഹൃദന്തം ചാര്‍ത്തി
ഇത്രയും നീലിമ നിന്റെ കണ്ണില്‍... (ഹൃദയസരസ്സിലെ...)



കണ്ണീര്‍പ്പൂവിന്റെ കവിളില്‍ തലോടി...


ചിത്രം: കിരീടം‍
രചന: കൈതപ്രം ദാമോദരന്‍ നമ്പൂതിരി     സംഗീതം: ജോണ്‍സണ്‍
ഗായകന്‍: എം. ജി. ശ്രീകുമാര്‍

കണ്ണീര്‍പ്പൂവിന്റെ കവിളില്‍ തലോടി
ഈണം മുഴങ്ങും പഴം‌പാട്ടില്‍ മുങ്ങി
മറുവാക്കു കേള്‍ക്കാന്‍ കാത്തുനില്‍ക്കാതെ
പൂത്തുമ്പിയെന്തേ മറഞ്ഞു
എന്തേ... പുള്ളോര്‍ക്കുടം പോലെ തേങ്ങി

ഉണ്ണിക്കിടാവിന്നു നല്‍‌കാന്‍ - അമ്മ
നെഞ്ചില്‍ പാലാഴിയേന്തി
ആയിരം കൈ നീട്ടി നിന്നു -
സൂര്യതാപമായ് താതന്റെ ശോകം

വിട ചൊല്ലവേ... നിമിഷങ്ങളും
ജലരേഖയായ് വീണലിഞ്ഞു
കനിവേകുമാ വെണ്‍‌മേഘവും
മഴനീര്‍ക്കിനാവായ് മറഞ്ഞു
ദൂരെ പുള്ളോര്‍ക്കുടം കേണുറങ്ങി... (കണ്ണീര്‍..)

ഒരു കുഞ്ഞു പാട്ടായ് വിതുമ്മി - മഞ്ഞു
പൂഞ്ചേലയെന്തോ തിരഞ്ഞു - കാറ്റു -
മൊരുപാടു നാളായലഞ്ഞു
പൂന്തെന്നലില്‍ പൊന്നോളമായ്
ഒരു പാഴ്‌ക്കിരീടം മറഞ്ഞു

കദനങ്ങളില്‍ തുണയാകുവാന്‍
വെറുതേയൊരുങ്ങുന്ന മൌനം
എന്തേ... പുള്ളോര്‍ക്കുടം പോലെ തേങ്ങി... (കണ്ണീര്‍..)



ചന്ദ്രികയിലലിയുന്നു ചന്ദ്രകാന്തം...


ചിത്രം: ഭാര്യമാര്‍ സൂക്ഷിക്കുക
രചന: ശ്രീകുമാരന്‍ തമ്പി     സംഗീതം: ദക്ഷിണാമൂര്‍ത്തി
ഗായകര്‍‍: യേശുദാസ്, പി. സുശീല

ചന്ദ്രികയിലലിയുന്നു ചന്ദ്രകാന്തം
നിന്‍ ചിരിയിലലിയുന്നെന്‍ ജീവരാഗം
നീലവാനിലലിയുന്നു രാഗമേഘം
നിന്‍ മിഴിയിലലിയുന്നെന്‍ ജീവമേഘം   (ചന്ദ്രികയില്‍…)

താരകയോ നീലത്താമരയോ നിന്‍
താരണിക്കണ്ണില്‍ കതിര്‍ ചൊരിഞ്ഞു
വര്‍ണ്ണമോഹമോ പോയ ജന്മപുണ്യമോ നിന്‍
മാനസത്തില്‍ പ്രേമ മധു പകര്‍ന്നു   (ചന്ദ്രികയില്‍…)

മാധവമോ നവ ഹേമന്ദമോ നിന്‍
മണിക്കവിള്‍ മലരായ് വിടര്‍ത്തിയെങ്കില്‍
തങ്കച്ചിപ്പിയില്‍ നിന്റെ തേന്മലര്‍ച്ചുണ്ടില്‍
ഒരു സംഗീതബിന്ദുവായ് ഞാനുണര്‍ന്നുവെങ്കില്‍   (ചന്ദ്രികയില്‍…)



മാണിക്യവീണയുമായെന്‍...


ചിത്രം: കാട്ടുപൂക്കള്‍
രചന: ഒ. എന്‍. വി. കുറുപ്പ് ‍‍    സംഗീതം : ദേവരാജന്‍
ഗായകന്‍ : യേശുദാസ്

മാണിക്യവീണയുമായെന്‍ മനസിന്റെ
താമരപ്പൂവിലുണര്‍ന്നവളേ
പാടുകില്ലേ വീണ മീട്ടുകില്ലേ
ഒന്നും മിണ്ടുകില്ലേ...   (മാണിക്യ..)

എന്‍ മുഖം കാണുമ്പോള്‍ നിന്‍ കണ്ണിണകളില്‍
എന്തിത്ര കോപത്തിന്‍ സിന്ദൂരം
എന്നടുത്തെത്തുമ്പോള്‍ എന്തുചോദിക്കിലും
എന്തിനാണെന്തിനാണീ മൌനം   (മാണിക്യ..)

മഞ്ഞുകൊഴിഞ്ഞല്ലോ മാമ്പൂ കൊഴിഞ്ഞല്ലോ
പിന്നെയും പൊന്‍‌വെയില്‍ വന്നല്ലോ
നിന്‍‌മുഖത്തെന്നോ മറഞ്ഞൊരാ പുഞ്ചിരി
എന്നിനി എന്നിനി കാണും ഞാന്‍... (മാണിക്യ..)


  മുന്‍ പേജുകള്‍
Previous Pages
കൂടുതല്‍ ഗാനങ്ങള്‍
More Lyrics
   

~ വിജി പിണറായി ~
~ Viji Pinarayi ~


Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.

This website is hosted by
© Copyright 2017 Viji Pinarayi. All rights reserved. All contents of this site, except mentioned otherwise, are exclusive property of the owner of the site.
News clips / articles from various news papers are the property of the respective news papers. All Trade Marks and copyrights are acknowledged.